Metralletas Lecheras e Fantasmage: maxia este venres!

Este vindeiro venres 9 de setembro temos preparado un tremendo happening con dous grupallóns que van encher os vosos espíritos e almas.

Como representantes locais estarán Fantasmage facendo soar os temas que veñen de grabar hai un mes, que son tan bos que dan ganas de convertelos en himnos, e dende Milladoiro Metralletas Lecheras volverán dar outro recital máxico dos seus, pero moito máis que os de Anthony Blake, aquí a maxia non é imaxinaria, é real, flipa!

Deseño de Zé Pequeno

O de Fantasmage vai só coas voces e tocando guitarra e batería, así dous tíos e a saco, porque son uns rapaces moi poderosos e só con iso xa fan petar de pracer a quen os escoita. Ademáis, atención nenas (e nenes), son guapísimos!!!!

Os Metralletas tan guapos non son, o que pasa é teñen máis pelo, buff, e moito, e se lembras que onde hai pelo hai alegría (ou ledicia e jolgorio) entón eres alguén con cabeza, e se tés cabeza de seguro vas querer perdela, e eles vanche axudar, niso consiste este proxecto, en axudar a perdela cabeza ós ouvintes. Cantan mellor que Julio Iglesias e tocan mellor que Rayito, Clayderman e o batería de Maná todos xuntos. O seu disco é unha cousa tan boa que parece que Pelegrín lles ensinou os trucos.

Será ás 23:30h. en La Iguana Club, Na porta entregarás 5 euros como ofrenda santoral e despois dentro poderás entregarte en corpo e alma á tolemia xeral.

P.d.: Acábame de chamar Tita Cervera, di que vai vir e trae ás súas amigas máis golfas, ay mimá!!!