O artista folk Zachary Cale visita esta fin de semana a nosa
comunidade para ofrecer dous recitais dentro da xira que o está levando a
percorrer toda a península.
O artista de Louisiana vén presentando o seu maravilloso
terceiro disco "Noise of Welcome" (All Hands Electric, 2011) no que a
súa voz recebe o delicado e preciosista acompañamento dos múltiples arranxos da
banda que o acompañou na grabación do mesmo, entre os que se inclúe Chris
Brokaw, no que vén a ser un notabilísimo salto na súa carreira, acadando un
traballo que o sitúa á altura dos mellores do xénero. Aquí podedes escoitar un par dos temas que o compoñen:
Será precedido no escenario polo dúo de Brooklyn This
Frontier Needs Heroes, practicantes dun folk máis intimista no que os xogos
vocais entre el e máis ela conseguen empañar cristais e facer suspirar ó ouvinte. Veñen presentando o seu primeiro disco homónimo que abre con este tema:
Estarán pisando os seguintes escenarios:
Sábado 08 de Outubro - Ourense. Cafe Pop Torgal. 22:00 h.
Domingo 09 de Outubro - Bueu. Bar Labranza. 22:00 h.
No hay comentarios:
Publicar un comentario